[ مُحَآلً ] .. شي ودك فيه ولا يمكن يصير ..!

.
جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. بشطرٍ صغير
قال نبدي : شنهو تعريف المُحال ..؟
قلت :
خَل هالكلمه فـ البيت الأخيـر ..!
القهــر : إن شفت دمعـات الرجال
و الوطن : ( إنسان ) .. مِتغيِّر كثير
و الطفل : لعبه على شاطـي الرمال
و الأمل : إحساس في عين الضرير
الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير
و الرجا : لا قلت : للواطـي تعال
و الفشل : مدري .. ولكنـه مرير
و الشعر : في وقتنا .. بدر و طلال
زين أوَّل : حيـل يعجبنـي جرير ..!
و الغلا : إحساس إلى حَـد الخيال
و العِشِق : لا شفت مَعشُوقِك تطير
و الجفا : إعكس مفاهيم / الوصال
و الوَصِل : يعنـي تأكَّـد فيك خير
و العقل : تِسْفَـه أقاويـل الجهال
و الجهل : إن قلت عن نفسك كبير
و الخطر : لا صار ما عندك مجال
و البلا : إن صرت معدوم الضمير
و العجب : لا صرت تسأل منهو قال
و التعب : إن كنت تِبْحَثْ عن مصير
الغنى : بالنفس ما هو راس مال
و الفقر : من كان .. بـ أعماله فقير
يكفي يكفي .. أسئله إنهي الجدال
ويـ الله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ] .. ممنوع العقال
والمصيبه الشعب ما إختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شيء ودِّك فيه ولا يمكن يصير ..!
:

واااااااااااااااو


هذا تعريفي الى كلمة : محال
شي ودك فيه ولا يمكن يصير ..



كلمات رائعه ..

ابدع في كـتابتـها ..

بل احترف وتفنـن في انتقائه للكلمـات..

رائعه جداً جداً جداً ..


::


صمت الرحيل ..


حتى في نقلكِ تميزتي ..

الله يعطيج الف الف عافيه على النقل الرائع..

ماننحرم هالتواصل والابداع ..




][ لمسة إحساس][

يسلمو خيتو عالموضوع الحلو و الكلام و الابداع الطيب و النقل الموفق

اهلين خيتوو

غاليتي صاحبه السمو

لا أعلم كيف اعبر لكِ عن إعجابي بهذا القلم الذي كلما رأيته زاد اعجابي به ..

فقلمي يخجل بالرد عليكِ لأنه كلما حاول أن يكتب رأى بأن هذا قليل بشأن قلمكِ ..

فأنتي تحملين كل المشاعر والاحاسيس الصادقة ...

فإعذريني على حروفي التي تقل بشأن هذا القلم المتميز ...

همسة" نحن بأنتظار جديدكِ فلا يطول هذا الغياب"

تقبل طلتي

كلمات جميله
واحساس رائع
وبوح شفاف

جعلتني انساب بين الكلمات <<<شعندها

يسلمووووا صمت الرحيل ع الكلمات الروووعه
ننتظر الجديد


ALDO